Euskera kategoria artxiboak

Kategoria: Euskera

Hirutxuloko artikulua-Ibaetan Euskaren egunari buruz

Irutxuluko artikulua   (Hirutxuluko web orriaren artikulura linka)

Idazlea: Beñat Parra

ibaetako_euskararen_eguna

Euskarari bultza egiteko gogotsu daude Ibaetan

Urteroko legez, abenduaren 3an izango da Euskararen Eguna, baina Ibaetan datorren asteburuan hasiko dira motorrak berotzen. Izan ere, haur eta helduentzako hainbat jarduera antolatu dituzte.

Abenduaren 3a iristeko gogoz daude Ibaetako bizilagunak, eta egitarau zabala prestatu dute datorren ostiralerako eta larunbaterako, hilaren 22rako eta 23rako, Euskararen Eguna ospatzen hasteko.

Datorren ostiraleko 17:30ean hasiko da jai giroa Ibaetako Karlos Santamaria plazako frontoian, horma-irudi handi bat margotuko baitute denen artean. Eunate Abilleirak, Ibai Ikastolako euskara batzordeko kideak, azaldu duenez, asteburu osoa egongo da horma-irudi hori frontoian ikusgai. Era berean, Euskaraldiaren txokoa ere asteburu guztian zehar han egongo dela adierazi du: “Aurten Euskaraldirik ez dagoenez, iazko eta hurrengo urteko Euskaraldien arteko zubi moduko bat egiteko, photocall bat jarriko dugu kutxa batekin. Jendeak euskarak iradokitzen diena idatzi edo marrazteko aukera izango du hor, eta gero dinamikaren antolatzaileei pasako diegu material hori”.

Horma-irudia margotu ondoren, euskarazko liburu, disko eta filmak trukatzeko azoka bat egingo dute, eta haurren aurpegiak margotuko dituzte. Ostiralarekin bukatzeko, dantzaldia egingo dute 19:00etatik aurrera. Abilleiraren arabera, Donostiako Musika eta Dantza Eskolako kideak joango dira segur aski, ondo dantzatzeko irizpide batzuk emateko.

Ostiral arratsaldeko jardueretan jende askok parte hartuko duela uste dute antolatzaileek: “Ostiraletan jende asko egoten da Karlos Santamaria plazan, ikastolatik ateratzen diren haurrak eta gurasoak, bereziki. Horregatik, egun horretako jarduerek arrakasta izango dutela uste dugu”.

Egun osoko egitaraua prestatu dute larunbaterako, izan ere, Ekain-Txou pailazoak haurrentzako ikuskizuna egingo du frontoian 11:00etan. Eguerdian, 12:30ean, euskal tortilla txapelketa egingo dute. Patata tortillei “euskal ukitua” ematera animatu dituzte parte-hartzaileak. Txapelketako sariak nabarmendu ditu Abilleirak:”Taberna gehienek pintxoak eta edariak eskaini dituzte. Aratz jatetxeak, aldiz, bi pertsonentzako bazkari edo afari bat eskaini du, eta Gaztelo kafetegiak bi pertsonentzako gosari bat”. Bazkaltzera joan aurretik, kantujira egingo dute auzotik.

Arratsaldean, 17:00etan, buruhandiak egiteko ikastaroa egingo dute, bi euroko izen-ematearekin. Ikastaroan egiten dituzten buruhandien eta auzoko jaietakoen arteko topaketa egingo dute 18:00etan, txokoloate janarekin batera. Sabela ondo bete ondoren, Eli Pagola eta Haritz Mujika bertsolarien eskutik bertso-poteoa egingo dute auzotik, egitasmoarekin lagundu duten tabernetan geldialdiak eginez.

Egitasmoaren antolakuntza
Donostiako Udalak iazko maiatzean ireki zuen Euskararen Egunaren harira diru-laguntzak eskatzeko epea. Abilleirak azaldu duenez, auzoan zerbait antolatzeko aukera ona iruditu zitzaien: “Hasieran, bi asteburuko egitaraua aurkeztu genuen udalean, ez genekielako zenbat jende eta zein baldintza izango genituen”. Duela hilabete bat jakinarazi zien udalak diru-laguntza emango zietela, baina azkenean asteburu bakarreko egitaraua prestatzea erabaki zuten, “neguko jai batzuk izango balira bezala”.

Egitasmoan sartuta hamabi bat pertsona daudela adierazi du Abilleirak, baina antolakuntza “lauzpabost pertsonen” artean egin dutela, batez ere. Hala ere, auzoko hainbat tabernaren laguntza nabarmendu dute antolatzaileek, eta jendea animatuta ikusten dute auzoan. Era berean, udalak gauzak erraz jarri dizkiela azpimarratu du: “Udalak erraztasun guztiak eman dizkigu; ikusten da Euskararen Eguna auzoetara zabaldu nahi dutela”.

Euskara Ibaetan
Abilleiraren aburuz, Ibai ikastolaren inguruko giroa “nahiko euskalduna” da, baina gurasoen bileretan beti nabarmentzen dute euskararen erabilera beheranzko joeran dagoela.

Horretaz gain, auzoko leku askotan gaztelaniaz hitz egitea ateratzen zaiola aitortu du Abilleirak: “Orokorrean ez zait iruditzen Ibaeta bereziki auzo euskalduna denik. Taberna batzuk euskaldunak badira ere, askotan errazagoa da gaztelaniaz sartzea”.

Horregatik, Euskararen Egunaren harira jai hori egitea ideia ona iruditu zitzaien, euskara bultzatzeko: “Euskararen Egunaren aitzakiarekin jendeak euskara buruan izatea nahi dugu, Euskaraldian bezala. Lehenengo hitza ‘kaixo’ ateratzen bazaizu, primeran”».

Euskararen eguna-Bolondresak

Kaixo denoi!
Azaroaren 22 eta 23an Euskararen Eguna ospatuko dugu Ibaetan eta ondorengo ekintzetan laguntzeko boluntarioak behar ditugu. Lekua: Karlos Santa Maria Plaza (Ibaetako frontoian).
Azaroak 22, ostirala

  • 17:30: haurrentzako jolasak
  • 18:00: aurpegi margolariak

Azaroak 23, larunbata

  • 12:00: Euskal-tortila lehiaketa
  • 17:00: Buruhandi tailerra
  • 18:00: Txokolatada

Lagundu nahi izanez gero, bidali zure izen-abizenak eta telefono zenbakia euskera@ibaigurasoak.eu posta elektronikora edota bete ondorengo formularioa.

Eskerrik asko lagunatzagatik. Gure eskerrik beroenak argazkia ateratzera hurbildu zineten guztiei!

EuskararenEguna-IbaetaArgazkia

Euskararen Eguna-Argazkia 17:00etan Ibaetako frontoian (2019-11-12)

Kaixo!
Dakizuen bezala, datorren azaroaren 22 eta 23an Euskararen Eguna ospatuko dugu Ibaeta auzoan ekitaldi ugarirekin.
Programa atxikita duzue.
Irutxuloko Hitzak erreportai bat egin nahi du horren inguruan eta euskararen egoerari buruz auzoan eta ikastolan. Erreportairako talde argazki eder bat atera nahi dugu heldu eta umeekin bihar   arratsaldeko 17:00etan Ibaetako frontoian.(2019-12-11)
Anima zaitezte eta zabaldu mesedez!!!

Ibaetako 1.Euskararen eguna

Familia, irakasle eta langile agurgarriak,

Abenduaren 3an Euskararen Eguna  dela eta, IGEko Euskara Batzordeak udaletxeko diru laguntza bat jaso du auzoan egun honetan hainbat ekitaldi antolatzeko.

Proiektuaren bideragarritasuna ikuste aldera, Ibaietako frontoian ospatuko den bilerara gonbidatu nahi zaituztegu urriaren 18etan, ostirala, arratsaldeko 6tan.

Zuen babesa izango dugulakoan,

Euskara batzordea

19/20 Euskara ikastaroa-Gurasoak, aiton-amonak, zaintzaileak….

Guraso agurgarriak,

Ikasturte honetan ere, Ibai Ikastolako Guraso Elkarteko Euskara Batzordeak gurasoentzako euskara ikastaroak antolatzen hasi nahi genuke

Aurreko urteetan arrakasta handia izan duten ikastaro hauetan, gurasoez gain, ikasleen zaintzan parte hartzen duten hainbat pertsonek hartu dekazete parte (aiton-amonek, zaintzaileek, etab.)

Aurtengoan ere honako taldeak izango ditugu:

  • Hasierako maila (HABEko A1 eta A2)- Astelehenetan 14.45tik 17.15ra.
  • Maila aurreratua (HABE B1etik aurrera)- Asteazkenetan 15.00tatik 17.00ra

Ikastaroen antolatze aldera, parte hartzeko asmoa baduzue, eskertuko genizueke  honako informazioarekin  euskera@ibaigurasoak.eu helbidera mezu bat bidaltzea:

  • Izen-abizenak:
  • Telefonoa:
  • Posta elektronikoa:

Edo formulario hau bete:

Ikastaro hauetan berria izanez gero, zure maila zein den jakin behar dugu. Horretarako,
sartu http://www.ilazki.eus/mailaketa web orrialdera eta hainbat datu sartu eta gero
(izen-abizenak, ikastolaren izena eta zure telefono zenbakia), egin ezazu bertako froga.
Ondoren, bidali iezaguzu lortutako emaitza euskera@ibaigurasoak.eu helbidera.
Azkenik, ikastaroen ordutegiak ez badira zure gustokoak, eskertuko genizuke beste
orduren bat proposatzea, ikastaro hauetaz ahalik eta jende gehien baliatzea nahiko
baigenuke.
Mila esker.
Ibai Ikastolako Euskara Batzordea

Euskaraldia

Euskaraz hitz egiten badakizu?

Euskaraz hitz egiteko gaitasunik eduki ez arren, zerbait uler dezakezu?
Konturatu al zara, orduan, elkarrekin euskaraz egin dezakegula?

*11 egun euskaraz*, egingo al dugu proba?

Eta zu, belarriprest edo ahobizi izango zara?

*_Ahobizi👄:_* “Ulertzen duenari euskaraz egiten diot, hark erdaraz erantzun arren. Eta ezezagunei lehen hitza, gutxienez, euskaraz egiten diet”

*_Belarriprest👂:_* “Egidazu euskaraz! Ulertzen dut; nik erdaraz zein euskaraz erantzungo dizut”

_Eta zu, zer izango zara_❓ 👄 👂

🌐 *izenematea.euskaraldia.eus*

Euskaraldia

Mintzalaguna

Bagera Donostiako Euskaltzaleen Elkartea da eta bere helburu nagusia Donostian euskaraz bizi ahal izatea da. Horregatik, mintzapraktika programa bat jarri dute martxan. Oso egitasmo polita da, beraz, animatzen bazarete, jarri kontaktuan beraiekin telefonoz (943 005 074) , mezu bitartez (gurasolaguna@bagera.eus) ala  web bidez www.bagera.eus.
Edozein zalantza izanez gero, jarri lasai gurekin kontaktuan.
Adeitasunez,
Euskara Batzordea.
.GURASOLAGUNAI

Euskara ikastaroa-Gurasoak, aiton-amonak, zaintzaileak….

Guraso  eta  tutore  agurgarriak,

Ibai  Ikastolako  IGEko  Euskara Batzordeak  2017-­‐18   ikasturteko euskara ikastaroetarako lortu ditugun emaitzak jakinarazi nahi dizkizuegu.

Guraso ezberdinen izen-­emateak aztertu ondoren, 3 euskara maila ezberdin daudela ondorioztatu dugu: oinarrizko maila (Habeko A0 eta A1),  tarteko maila  (Habeko A2) eta maila aurreratua (Habeko B1, B2 eta C1).

Ikastaroak aurrera eraman ahal izateko,  9  pertsona behar ditugu maila bakoitzean.

Zoritxarrez,  ordea,  ez dugu gutxieneko pertsona kopurua lortu. Hau da maila bakoitzean taldea osatzeko falta den ikasle kopurua:

Oinarrizko maila  (asteazkenetan 18:30tatik, 20:30tara):  5  pertsona falta  dira.

Oinarrizko maila  (asteazkenetan 14:45tatik, 17:15tara):  4  pertsona  falta  dira.

Tarteko maila  (asteazken eta  ostiraletan, 15:30tatik,  16:45tara):  7  pertsona  falta dira.

Maila  aurreratua   (astelehen  eta asteazkenetan,  15:30tatik,  16:45tara):  2 pertsona  falta dira.

Izena eman nahi izanez gero, bidali iezaguzu e-­mail bat urriaren 25a  baino lehen euskera@ibaigurasoak.eu -ra.
Animatu!

Euskara ikastaroak

Guraso agurgarriak,

Ikasturte berria hasi berri dugu eta urtero bezala, Ibai Ikastolako Euskara Batzordeak Ikastolako gurasoei eskaintzen zaizkien euskara ikastaroak antolatzen hasi nahiko genuke.

Horretarako, ikastaro hauengan interesa duzuen pertsona kopurua zehaztu beharko dugu.
Beraz, hala bada, eskertuko genizueke irailaren 20a baino lehen hurrengo formularioa betetzea:

Ikastaroan parte hartuko duzun lehen aldia bada, zure maila zein den jakin nahiko genuke. Horretarako, mesedez sartu http://www.ilazki.eus/mailaketa helbidera eta egin ezazu mailaketa proba, zure izena, ikastetxea (Ibai Ikastola) eta telefonoa adierazi ondoren.

Probari buruzko edozein zalantza izanez gero, Ilazki euskaltegiko ikasketa burua den Mª Jesus Gurrutxagarekin kontaktuan jar zaitezke (telefonoa: 943 42 49 18; posta elektronikoa: ikastetaburua@ilazki.eus).

Euskara ikastera eta erabilera bultzatzera animatuko zaretelakoan,

Ibai Ikastolako Euskara Batzordea