Euskaraz hitz egiten badakizu?

Euskaraz hitz egiteko gaitasunik eduki ez arren, zerbait uler dezakezu?
Konturatu al zara, orduan, elkarrekin euskaraz egin dezakegula?

*11 egun euskaraz*, egingo al dugu proba?

Eta zu, belarriprest edo ahobizi izango zara?

*_Ahobizi?:_* “Ulertzen duenari euskaraz egiten diot, hark erdaraz erantzun arren. Eta ezezagunei lehen hitza, gutxienez, euskaraz egiten diet”

*_Belarriprest?:_* “Egidazu euskaraz! Ulertzen dut; nik erdaraz zein euskaraz erantzungo dizut”

_Eta zu, zer izango zara_❓ ? ?

? *izenematea.euskaraldia.eus*

Euskaraldia

Guraso  eta  tutore  agurgarriak,

Ibai  Ikastolako  IGEko  Euskara Batzordeak  2017-­‐18   ikasturteko euskara ikastaroetarako lortu ditugun emaitzak jakinarazi nahi dizkizuegu.

Guraso ezberdinen izen-­emateak aztertu ondoren, 3 euskara maila ezberdin daudela ondorioztatu dugu: oinarrizko maila (Habeko A0 eta A1),  tarteko maila  (Habeko A2) eta maila aurreratua (Habeko B1, B2 eta C1).

Ikastaroak aurrera eraman ahal izateko,  9  pertsona behar ditugu maila bakoitzean.

Zoritxarrez,  ordea,  ez dugu gutxieneko pertsona kopurua lortu. Hau da maila bakoitzean taldea osatzeko falta den ikasle kopurua:

Oinarrizko maila  (asteazkenetan 18:30tatik, 20:30tara):  5  pertsona falta  dira.

Oinarrizko maila  (asteazkenetan 14:45tatik, 17:15tara):  4  pertsona  falta  dira.

Tarteko maila  (asteazken eta  ostiraletan, 15:30tatik,  16:45tara):  7  pertsona  falta dira.

Maila  aurreratua   (astelehen  eta asteazkenetan,  15:30tatik,  16:45tara):  2 pertsona  falta dira.

Izena eman nahi izanez gero, bidali iezaguzu e-­mail bat urriaren 25a  baino lehen euskera@ibaigurasoak.eu -ra.
Animatu!

Guraso agurgarriak,

Ikasturte berria hasi berri dugu eta urtero bezala, Ibai Ikastolako Euskara Batzordeak Ikastolako gurasoei eskaintzen zaizkien euskara ikastaroak antolatzen hasi nahiko genuke.

Horretarako, ikastaro hauengan interesa duzuen pertsona kopurua zehaztu beharko dugu.
Beraz, hala bada, eskertuko genizueke irailaren 20a baino lehen hurrengo formularioa betetzea:

Ikastaroan parte hartuko duzun lehen aldia bada, zure maila zein den jakin nahiko genuke. Horretarako, mesedez sartu http://www.ilazki.eus/mailaketa helbidera eta egin ezazu mailaketa proba, zure izena, ikastetxea (Ibai Ikastola) eta telefonoa adierazi ondoren.

Probari buruzko edozein zalantza izanez gero, Ilazki euskaltegiko ikasketa burua den Mª Jesus Gurrutxagarekin kontaktuan jar zaitezke (telefonoa: 943 42 49 18; posta elektronikoa: ikastetaburua@ilazki.eus).

Euskara ikastera eta erabilera bultzatzera animatuko zaretelakoan,

Ibai Ikastolako Euskara Batzordea

Mintzanet proiektuari buruzko jaso dugun informazioa:

Kaixo lagun

Zer moduz? Mintzanet proiektua ezagutzen duzu? Euskara on-line eta doan praktikatzeko aukera da. Bertan, bidelagunak (euskaraz ondo dakitenak eta irakasleak ez direnak) bidelariekin elkartzen ditugu (praktikatu nahi dutenak, gutxieneko maila A2-B1 dute).

Atxikita duzu egitasmoari buruzko oinarrizko informazioa eta webgunean gehiago topatuko duzu: mintzanet.net
Gainera, ‘Mintzanet bere ahotan’ atalean partaideen esperientziak ezagutzeko aukera izango duzu: mintzanet.net/category/mintzanet-bere-ahotan/

Zerbait gehiago jakin nahi izanez gero, idatzi info@mintzanet.net helbide elektronikora.

Zeren zain zaude? Animatu eta parte hartu!
Mila esker!

Beste urtetan bezala, gure ikastolan ere eskainiko ditugu gurasoentzako Euskara ikastaroak. Donostiako Udaleko Euskaren Zerbitzuak diruz laguntzen ditu.
Parte hartu nahi baduzu, froga egin behar duzu web gune honetan sartzen: htpp://www.ilazki.eus/mailaketa “Ibai Ikastola” jartzen eta gero izena eman behar duzu hurrengo formularioan.
Epea Irailaren 30ean bukatzen da.
Iaz egin bazenuen, ez duzu frogarik egin behar.

Gurasoentzako euskara ikastaroak
Ikastaro hauen helburua da, 2-12 urte bitarteko haurrak dituzten guraso erdaldunak euskarara hurbiltzea, eta guraso euskaldunei hizkuntza gaitasuna hobetzeko aukera ematea.

Ikastaroaren ezaugarri orokorrak

• Iraupena: 60 ordu, urria-maiatza
• Erritmoa: 2/3 ordu astean
• Ordutegia: hasiera batean 15:30 – 16:45
• Taldeak: 9-15 ikasle
• Matrikularen prezioa: 60 €