BERTAN BEHERA
Aiatik Pagoetako Gurutzerantz: 7.3km / 433m mendi irteera
Noiz: 2017ko Urtarrilaren 15an
Plana: Diario Vascoko aparkalekutik irtengo gara goizeko 10:00tan eta 10:25tarako Aiara iristea espero dugu. Kotxeak aparkatzeko, Aia erdian badaude aparkaleku txiki bat eta beste pare bat leku herrian banatuta. Herriko aparkaleku guztiak gure kotxeekin ez betetzeko ahalik eta kotxe gutxien eramaten saiatuko gara.
Norberak bere ogitartekoa eramango du.
Ibilbidean Zarautz eta Oriko kostaldea ikusi ahal izango dugu.Zenbait arrasto megalitiko zeharkatuko ditugu, eta aurreko mendearen hasieran ekaitzak uxatzeko ezarri zen viacrucis ospetsua.
Bukatzeko Aiara bueltatuko gara. Oso herri polita da etaherriko plazan gure umeak jolasten duten bitartean, helduek zerbait hartuko dugu.
Mapa/Ibilbidea:
Nola joan Aiara:
Istripu asegurua: Mendiko federazioko edo antzeko asegururik ez dutenek, badute egun horretarako asegurua hartzerik, ondorengo formularioa beteaz eta 2,5 euro ordainduz. Lehen hezkuntzako 3, 4, 5 eta 6. mailako ikasleek dagoeneko badute asegurua, beraz ez dute honen beharrik izango. Asegurua nahi duenak formularioa bete eta 2,5 euro ordaindu beharko ditu. Ordainketa egunean bertan kirol komisioko norbaiti egingo zaio.
Formularioa: